Aaj mera virodh khamosh hai..
Koi awaaz sunai nahi deti mere virodh ki
koi tasveer dikhayi nahi deti mere virodh ki
koi poochta nahi ki kyun khamosh aaj mera virodh hai.
baant rahe hai sabko khancho mei
kaat rahe saath ke dhaage wo ek ek kar
kheench rahe deewarien badi badi si..
tum ismei main usmei
sab hue titar bitar kis kis mei
bikhre hue khwabon ko
aasan hua kuchalna ab
pahle sun lete the ek dusre ki aah
ab an suni reh jate hai aahein sab..
khamosh hua virodh mera bhi tera bhi..
cheekh cheekh ke kehti hai ruhe sab
naam pe anjane ruh ki behlana hua aasan ab
bas kahaniyan hi toh sunai thi aag ki unhone
jalaane lage tum makan sab
daman ab bhi saaf hai..
jeewan unka ab bhi pak hai..
bas tum reh gaye jalaane ko..
bas tum.. tum reh gaye jalne ko bhi..
Aaj mera virodh khamosh hai..
koi kar sun bhi toh nahi sakta
bache kaha hai ab kan woh..
kuch mei aag, kuch mei barf ke shole hai bhadakte hue..
kehna hua bekar ab..
sunsan dilon ki rah hui
bekar umeedon ki shaakh hui..
gaadhi hui dimaag ki shaan ab..
bacha nahi kuch kehne ko shayad
kyunki khamosh hua virodh tera bhi mera bhi..
kuch kar sake agar koi..
kuch soch sake agar parton ke bheetar bhi
kuch sun sake bhadhakte hue sholon ke beech bhi
toh ek baar ek dusre ki aankon mein dekhna
apni hi tasver nazar aayegi..
apne hi nazar aayenge..
rok lena kataaron wali haath ko tab..
apni bhi aur dusro ki bhi..
nafrat ki jeet se..
mohabbat ki haar sahi..
kuch kar sako toh karo
kuch sun sako toh suno
kyunki virodh aaj khamosh hai
tera bhi aur mera bhi
mehsoos kar sako toh karo
kyunki humara virodh aaj khamosh hai.
-SA
